चन्द्र प्रसाद भाट,फागुन १६,अछाम : अछामको साँफेबगर नगरपालिका वडा नः १३ बाब्लास्थित राष्ट्रिय माध्यमिक विद्यालयमा कार्यरत शिक्षक देवेन्द्र बहादुर कुँवरलाई प्रहरीले पक्राउ गरेको छ ।
आफ्नै बिद्यालयमा अध्यनरत बिद्यार्थि छात्रा (नाम परीबर्तन) माथि यौन दुर्व्यवहार गरेको आरोपमा उनलाई पक्राउ गरीएको प्रहरीले जनाएको छ ।
जिल्ला प्रहरी कार्यालय अछामका अनुसार शिक्षक कुँवरले शनिबार वनभोज गएको बेला छात्रामाथि यौन दुर्व्यवहार गरेको बताइएको छ । उनीहरुले घटनाको निष्पक्ष छानविनको माग गर्दै विद्यालयमा तालाबन्दी समेत गरेका छन् ।
यस्तै अहिले स्थानियले मौखिक उजुरी दिएकाले घटनाको अनुसन्धान भैरहेको ईलाका प्रहरी कार्यालय साँफेबगरका प्रहरी निरीक्षक सुरेन्द्र जोशीले रेडियो गाउँघरलाई जानकारी दिनुभयो ।
पिडित पक्ष र आरोपीलाई संगै राखेर के भएको हो भन्ने कुरामा सोधपुछ भैरहेको र पिडित पक्षले लिखित जाहेरी दिएपछि आरोपी कुँवरलाई कानुनी कारबाहिका लागी सिफरिस गर्ने समेत उहाँले बताउनुभएको छ ।
शिक्षक कुँवरले शनिवार पर्यटकीय क्षेत्र नैनी वनभोज गएर साँझ घर फर्किने क्रममा पिडित छात्रा (नाम परीबर्तन) लाई घर पु¥याइ दिन्छु भन्दै मोटर साइकलमा लगि अनैतिक क्रियाकलाप गरेको पिडित पक्षले जानकारी गराएको पनि प्रहरी निरीक्षक जोशीले बताए ।
पक्राउ परेका कुँवर बिरुद्ध कानुनी कारबाहिका लागी प्रक्रिया सुरु गरीने पनि अछामका प्रहरी प्रमुख तुलसीराम अर्यालले जानकारी दिए ।
Discussion about this post