चन्द्र प्रसाद भाट,फागुन ७,अछाम : अछामको मंगलसेन नगरपालिकाले कृषकहरुलाई कृषि पेशामा आकर्षण गराउनका लागी ५० प्रतिशत अनुदानमा तरकारी तथा फलफुलका बिउबिजन बितरण गर्ने कार्यलाई तिब्रता दिएको छ ।
नगर क्षेत्रका जनतालाई ५० प्रतिशत अनुदानमा बिउबिजन उपलब्ध गराइरहेको कृषि बिकास शाखामा कार्यरत तर्क कुमार भुलले जानकारी दिनुभयो । माघ महिनाबाट सुरुवात गरीएको कायक्रम अहिले पनि सञ्चालनमा छ ।
कृषकहरुलाई कृषि बिकास शाखाले डल्ले खुर्सानी,काँक्रा,भण्टा,सिमि,मुला लगाएतका बिउबिजनहरु बितरण गरीरहेको पनि भुलले बताउनुभयो ।
नगरका केहि वडाहरु नगरपालिकाको केन्द्र भन्दा निकै बिकट रहेकाले पनि त्यहाँका जनतालाई सहज होस भन्ने उदेश्यले सम्बन्धित वडाहरुमा नै कषि प्राबिधिकहरु खटाई उनिहरुको माग संकलन गरी बिउबिजन बितरण गरीरहेको बताउनुभयो ।
एक प्याकेट बिउका लागी सयौँ रुपैया खर्च गरेर मंगलसेन पुग्नुपर्ने किशानको समस्यालाई ध्यानमा राखि आफ्ना प्राबिधिकहरुले संकलन गरेको माग फारम अनुसार वडामा नै बिउबिजन पठाइने गरीएको समेत भुलको भनाई छ ।
नगरपालिकामा सबै किसानहरु एकै हैसियतका नभएकाले कमजोर स्थितिका किसानलाई प्राथमिकतामा राखि बितरण कार्य अगाडी बढाइएको पनि उनको भनाई छ नगरपालिकाले अनुदानमा बितरण गर्न थालेपछि अहिले बिउ लिनका लागी नगरपालिकामा पनि पुग्ने कृषकहरुको संख्यामा बृद्धि भएको पनि उहाँले बताउनुभयो ।
केहि समय पहिले यसै कार्यक्रम अन्तरगत नगरपालिकाले बिउबिजन शतप्रतिशत अनुदानमा बितरण गरेको भएपन त्यसको प्रयोग र उत्पादनमा किसानहरुले जोड नदिएको पाईएपछि अहिले ५० प्रतिशत किसान आफैले तिर्ने ब्यवस्था गरीएको पनि उहाँले जानकारी दिनुभयो ।
पहिले आफुले पैसा नतिरेको भनि नलगाउने किसानहरु अहिले आधा पैसा आफैले तिर्न थालेपछि बिउबिजनको दुरुपयोग नभएको पनि उनले बताए । बिउबिजन बितरण गरीसकेपछि त्यसको अनुगमन हुन्छ की हुँदैन भन्ने हाम्रो प्रश्नको जवाफ दिनुहुँदै उहाँले भन्नुभयो नगरपालिका बाट बितरण गरीएका बिउबिजनहरुको प्रभाबकारी अनुगमनका लागी नगरपालिकाले पहल गरीरहेको पनि उहाँले बताउनुभयो ।
बितरण गरीएका बिउबिजनको दुरुपयोग नहोस भन्नका लागी अनुगमन पनि गरीरहेको उन बताए । साथै नगरपालिकाले नगरका जनतालाई अनुदानमा बिउ उपलब्ध गराउँदा कृषकहरु पनि खुसि भएका छन । बजारमा बिउबिजन किन्न महँगो पर्ने भएकाले नगरपालिकाले आधा मुल्यमा दिएको भन्दै कृषकहरु पनि हर्षित भएका छन । कृषि बिकास शाखाले आगामी दिनहरुमा पनि सहुलिएत मूल्यमा बिउबिजनहरु बितरण गर्नका लागी पनि उनिहरुले आग्रह गरेका छन ।
