चन्द्र प्रसाद भाट,पौष २५,अछाम- जिल्ला स्वास्थ्य कार्यालय अछामका कार्यालय प्रमुख झनकराज ढुँगानाले कर्मचारी समायोजनका कारण अछाम जिल्लाको स्वास्थ्य अवस्थामा सुधार आउन नसकेको बताउनुभएको छ ।
सरकारले कर्मचारी हरुको समायोजन गर्ने कार्य सुरु गरेपछि कर्मचारी फेरबदल हुने प्रबृतिले जिल्लाको स्वास्थ्य अवस्था अपेक्षाकृत रुपले सुधार हुन नसकेको बताउनुभएको हो । रेडियो गाउँघरबाट प्रशारित कायक्रम साझा थलो सँग कुराकानी गर्दै कार्यालय प्रमुख ढुँगानाले सो कुरा बताउनुभएको हो ।
समायोजन हुनुभन्दा अघि केहि चिकित्सकहरु भएनि समायोजन पश्चात समस्या भएको छ । एकातिर सँघियता पछि स्वास्थ्य क्षेत्रको सम्पुर्ण अधिकार स्थानिय तहमा गएपनि स्थानिय तहहरुलाई स्वास्थ्य क्षेत्रमा कसरी गर्ने भन्ने जानकारी नभएकाले समस्या भएको उनको भनाई थियो ।
स्थानिय तहहमा स्वास्थ्य शाखामा काम गर्ने कर्मचारी हरुलाई पनि कसरी काम गर्ने भन्ने त्यति जानकारी नहँुदा समस्या सिर्जना भएको पनि उहाँले बताउनुभयो । पहाडी ईलाकामा चिकित्सकहरु नमान्ने हुनाले पनि समस्या भएको उनले बताए । एकातिर चिकित्सकहरु सुबिधा सम्पन्न स्थानहरुमा बस्न रुचाउनु र मन्त्रालयले पनि चाँसो नदेखाउदा यो अवस्था आएको उनको भनाई छ ।
यस्तै मानीसहरुको अस्वस्थकर जिवनशैलीले पनि स्वास्थ्यमा समस्या निम्त्याएको उहाँले बताउनुभयो । परम्परगत सँस्कारले पनि झन चुनौती थपीएको पनि उनको भनाई । पछिल्लो समय अत्याधिक तवरले मादक पदार्थ सेवनले पनि स्वास्थ्या प्रतिकुल असर परीरहेको उनले बताए । आजको बैज्ञानिक परीबेशमा पनि पुरानै चालचलनले थप समस्या ल्याएको उनको भनाइ थियो ।
यस्तै कार्यालय प्रमुख ढुँगानाले चिसोको समयमा आफु लगाएत आफ्ना बालबालीका तथा जेष्ठ नागरीकह्रुको स्वास्थ्यमा ख्याल गर्न समेत आग्रह गर्नुभएको छ । चिसोको समयमा बालबालीका तथा जेष्ठ नागरीकहरु बढि प्रभाबित हुने भएकाले ख्याल गर्न आग्रह गर्नुभएको हो ।
चिसोबाट सुरक्षित रहनका लागी यो समयमा तातो झोलिलो खानेकुरामा जोड दिन पनि अनुरोध गर्नुभयो । बिषेश गरी चिसो मौसममा बालबालीकाहरु लाई पुरा शरीर ढाकीने गरी लुगा लगाईदिन र तातो खानेकुरामा जोड दिन आग्रह गर्र्नुभयो । तर तातो बनाउने नाममा झयाल ढोका बन्द गरी नबस्न पनि आग्रह गर्नुभयो । साथै बालबालीकाको नजिक लामो समयसम्म हिटर राखेर नबस्न अनुरोध गर्नुभयो ।
