चन्द्र प्रसाद भाट,फागुन १२,अछाम : सुदूरपश्चि प्रदेशका सामाजिक बिकास मन्त्री कृष्णराज सुबेदीले बजेट अभाबमा प्रदेशका स्वास्थ्य सँस्थाको सेवा नरोकिने बताउनुभएको छ ।
आज अछाम पुग्नु भएका मन्त्री सुबेदीले स्वास्थ्य सँस्थाको बिकास र स्तरउन्नतीको लागी प्रदेश सरकारले प्रयाप्त मात्रामा बजेटको ब्यवस्थापन गरीरहेको र आगामी दिनमा पनि निरन्तर बजेट बिनियोजन गरीने बताउनुभएको हो ।
प्रदेश सरकारले स्वास्थ्य सँस्थाका लागी बजेट निरन्तर बिनियोजन गरेपनि काम गर्न नसकेर रकम फ्रिज हुने अवस्था आईरहेको पनि बताउनुभएको हो । प्रदेशको सामाजिक बिकास मन्त्रालयबाट आफुले बजेटको ब्यवस्थापन गरीरहेकाले बजेटको सहि सदुपयोग गर्न पनि आग्रह गर्नुभएको छ ।
अछाम जिल्ला अस्पताललाई ५० शैयाको रुपमा बिकास गर्नका लागी काम सुरु भैसकेकाले अस्पतालको सेवा सुबिधामा बृद्धि हुने पनि उहाँले बिश्वास गर्नुभयो ।
अछाम जिल्ला अस्पताललाई फेरी करीब १६ लाख बिनियोजन गरीएको पनि उहाँले बताउनुभयो । अछाम जिल्लामा मात्र नभई प्रदेशका सबै जिल्लाहरुका अस्पतालहरुमा बजेटको अभाब हुन नदिने पनि मन्त्री सुबेदीले प्रतिबद्धता जनाउनुभयो ।
अस्पतालमा बजेटको ब्यवस्थापनका लागी प्रदेश सरकार प्रतिबद्ध रहेको बताउँदे मन्त्री सुबेदीले जनतालाई दिईने सेवा सुबिधामा कुनै कमि नगर्न पनि चिकित्सक तथा अस्पताल ब्यवस्थापनमा खटिएका ब्यवस्थापक हरुलाई आग्रह पनि गर्नुभएको छ । जनताको सेवाका लागी सँस्थामा अएका कर्मचारीहरुले सेवा दिनका लागी कुनै कञ्जुस्याँई नगर्न पनि उहाँले अपिल गर्नुभयो ।
उच्च ओहोदामा पुगेका राजनितिज्ञ र कर्मचारीहरु जनताको सेवाका लागी खटेको भन्दै सधैँ जनताको सेवक भएर काम गर्नुपर्ने भन्दै उहाँले नेता तथा कर्मचारीहरु जनताको मालीक बन्न खोज्यो भने त्यसको परीणाम नकारात्मक देखिने पनि उहाँले बताउनुभयो ।
यस्तै मन्त्री सुबेदीले सुदूरपश्चिममा चिकित्सकहरुको चरम अभाब रहेको भन्दै प्रदेश सरकारले अब प्रदेशका ९ वटै जिल्लाका एस ईई तथा कक्षा १२ उतिर्ण जेहेन्दार बिद्यार्थिलाई प्रदेश सरकारले प्रति बिदार्थि लाइ ४ बर्षसम्म ४० लाखमा निशुल्क रुपमा एमबिबिएस पढाउने निर्णय गरेको भन्दै अछाम जिल्ला बाट पनि दरखास्त दिन आग्रह गर्नुभयो । प्रदेश सरकारले पढाएका बिद्यार्थिहरुले कम्तिमा ७ बर्ष प्रदेशमै सेवा गर्नुपर्ने पनि उहाँले बताउनुभयो ।
