माघ ७,अछाम । जिल्ला प्रशासन कार्यालय अछामले मिडियामा सुचना दिन आनाकानी गरेको छ । नागरिकता सचेतनाको नाममा सेवाग्राही हरूले सास्ती भोगीरहेको भन्ने गुनासो बढेपछि सुचना संकलनका लागी कार्यालय पुगेका रेडियो गाउँघरमा समाचार शाखामा कार्यरत पत्रकार चन्द्र प्रसाद भाट लाइ सहायक प्रमुख जिल्ला अधिकारीले रेडियोमा आफ्नो आवाज प्रशारण गर्न नमिल्ने भनि फर्काईदिएका छन ।
बुधबार जिल्ला प्रशासन कार्यलयमा देखिएको भिडले अछाममा नागरिकता सचेतनाको नाममा सास्ती भएको स्पष्ट भएको छ । १० बजे नै नागरिकता बनेपनि नागरिकता सचेतनाको नाममा ४ घण्टा भन्दा बढी नागरिकता होल्ड गरि राखिने गरेको छ।
जिल्ला प्रशासन कार्यलयको नागरिक बडापत्रमै नागरिकता बनाउन सबै कागजात मिलेको खण्डमा तुरुन्तै दिने लेखिएको छ। तर नागरिक वडा पत्रलाई लत्याउदै जिल्ला प्रशासन कार्यलय अछामले नागरीकहरुलाई दुख भोग्न बाध्य बनाउँदै आएको बान्निगढी जयगढ गाउँपालिका वडा नं २ जनालिकोटका शान्त बहादुर कुवरले बताए ।
नागरिकताको बारेमा सेवा ग्राहिलाई सचेतना गराउने काम राम्रो भएपनि चार चार घण्टा सम्म कोरोनाको समयमा एकै ठाउँमा भिडभाड गर्ने काम उचित नभएको नागरिक बनाउन जिल्ला प्रशासन कार्यलय आएका बान्निगढी जयगढ गाउँपालिका वडा नं १ गाज्राका गणेश खड्काले बताए ।
