अछाम,माघ २५ । नेपाली कांग्रेस अछामका पार्र्टी उप–सभापति नयाँराम बजगाईले पार्टीको हित हुने गरी काम गर्ने बताउनुभएको छ । नि–बर्तमान उप–सभापति चन्द्र प्रसाद ढुंगानाको राजीनामा पार्टीले स्विकृत गरेपछि जिल्ला उप–सभापतिमा मनोनित हुनुभएका बजगाँईले पार्टीलाई जिल्लामा पहिलो पार्टीको रुपमा स्तापित गर्ने ढंगले काम गर्ने रेडियो गाउँघरलाई बताउनुभयो ।
नेपाली कांग्रेस अछाम पार्टीको बिधि बिधान बिपरीत चलेको र पार्टीमा आफ्नो र मूल्याँकन नभएको बन्दै पूर्ब उपसभापति ढुंगानाले पदबाट राजीनामा बुझाउनुभएको थियो ।
नि–बर्तमान उप–सभापति ढुंगानाको राजीनामाा स्विकृत भएसंगै लामो समयदेखि पाटीमा काम गर्दै आएका बजगाईको उप–सभापति बन्ने बाटो खुलेको हो । नेपाली कांग्रेस जस्तो लोकतान्त्रीक पार्टीलाई बिधि र बिधान सम्बत सञ्चालन गर्नका लागी आफुले भ्याएसम्म काम गरेर देखाउने बजगाँईको प्रतिबद्धता छ ।
आफुले सकेसम्म लगनशिलताका साथ काम गर्ने बताउँदै उहाँले जिल्लामा पार्टीको संगठनलाई पूर्ण रुपमा बिस्तार गरी पार्टीको संरचनालाई मजबुत बनाउने पनि उहाँले बताउनुभयो । बैशाखमा मध्यावधि निर्बाचन भयो भने जिल्लामा पार्टीलाई पहिलो पार्टी बनाउन लागीपर्ने पनि बताए ।
