टेक बहादुर थापा,अछाम- संविधान सभाका सदस्य भैरे कामीले पद,पैसा र प्रतिष्ठाको लागि शिर्ष नेताहरुले देशमा फेरि राजनितिक अस्थिरता ल्याएको आरोप लगाउनु भएको छ । सत्ता भएपछि मात्रै हुने हाम्रा नेताहरुकै कारणले आजको यो अवस्था सृजना भएको बताउनुभयो ।
सत्ता बिना छटपटाउने प्रबृतिले देशको विकास हुन नसकेको भन्दै ब्यवस्था बदिलिएपनि नेताहरुको बिचार नबदलीदा समस्या भईरहेको उहाको भनाई छ ।
नेता कामीले धेरै दुख्ख गरेर निर्माण गरेको यो संगठनलाई केही नेताहरुका कारणले कमजोर भएको बताउनु भएको छ । आफ्नै पार्टिको नेतृत्वमा बनेको सरकारलाई गिराउन तल्लीन हुने नेताहरुकै कारण पार्टि माथि उठ्न नसकेकाले शिर्ष नेताहरुले आत्म समिक्षा गर्न जरुरी रहेको बताउनुभयो ।
अछाममा संगठन निर्माण गर्दा आफुहरुले ठुलो संघर्ष गर्नुपरेको स्मरण गर्दै नेता कामीले संगठनमा योगदान हुने नेताहरुलाई पार्टिमा उचित जिम्मेवारी दिनु छोडेर अवसरवादीहरुले कब्जा जमाएको भन्दै त्यो पार्टिका ईमान्दार कार्याकर्तालाई सैह्य नहुने बताउनुभयो ।
आफु संग योग्यता क्षमता हुदाहुदैपनी पार्टिले मुल्याङकन नगरेकोमा आक्रोस ब्यक्त गर्दै नेता कामीले अछाममा अहिले एउटै पार्टिका दुई समूह बन्नुको कारण अछामको नेतृत्व रहेको उहाको आरोप छ । जिल्ला कमीटीले पार्टिमा योगदान भएका ईमान्दार कार्यकर्ताको मुल्याङकन नगरि आफ्ना आसेपासेहरुलाई अवसर दिदा कम्युनिष्ट पाटि कमजोर बन्दै गएको बताउनुभयो ।
नेता कामीले कम्युनिष्ट पार्टिका नेताहरु पार्टिको विधि र विधान विपरित चलीरहेकोमा चिन्ता ब्यक्त गर्नुभएको छ । दलित समुदायलाई माथि उठ्नै नदिने परिपाटिले दलीत समुदाय अहीलेपनि जहाको त्यही रहेको उहाको गुनासो छ । राजनितीक दलहरुले दलीतलाई भजाई खाने भाडो बनाएकोमा उहाले दुख्ख ब्यक्त गर्नुभएको छ ।
