पौष २०,अछाम- अछाम जिल्लाका अधिकांश लेकाली भेगतिरको जग्गा बाझैँ देखिन थालेको छ । जिल्लाका गाउँहरुमा जाँदा सजिलै तरिकाले खेतीयोग्य जमीन समेत गौचरणमा परिणत भएको देख्न सकिन्छ ।
बसाई सराई गर्नु,युवाहरु बिदेशीनु, जंगली जनावरले खेती नष्ट पार्नु,परनिर्भरता बढ्नु लगायतका कारणले खेतीयोग्य जग्गाहरु बाझैँ देखिन थालेका हुन । केही बर्ष पहिले खेती देखिने जग्ग्गामा अहीले घाँस तथा अन्य बोटबिरुवा हुर्केको देखिने गरेको छ ।
यसले गर्दा जिल्लामा थप खाद्यान्न संकट हुने आकलन गरिएको छ । युवाहरु काम गर्न लाज मान्ने, मेहनत गरेपनि सोचेअनुरुप खेती नफल्ने र जंगली जनावरले पनि खेती खान नदिनेगरेपछि समस्या देखिन थालेको कतिपयको भनाई छ ।
तर मंगलसेन नगरपालिका वडा न १० का युवाहरुले भने आफ्नो पुरानो बाँझो जग्गालाई खेतीयोग्य जमिनका रुपमा परिणत गरेका छन । साविकको जुपु गाविसको भुटेन्तोला लेखमा रहेको ३० रोपनि जग्गामा वडान १० का पुरन रावल,भरत रावल र बम बहादुर रावल मिलेर ब्यवसायीक रुपमा खेतीगर्न थालेका हुन ।
घरपरिवारका पछिल्लो पुस्ता सबै पढाईको शिलशिलामा बाहिर गएपछि घर परिवारले खेती गर्न नसकेपछि भुटेन्तोलाको जग्गा करिब तिन दशक बाँझै रहेको थियो ।
पढाई सकेर दाईभाईहरु सबै आ-आफ्नो ब्यवसायमा लागे,म बिदेश लागे बिदेशमा गएरपनि राम्रो कमाई गर्न नसकेपछि अहिले आफ्नै बाँझो जग्गालाई खनजोत गरेर ब्यवसायीक रुपमा खेती गर्न थालेको स्थानीय युवा पुरन रावलले बताउनु भएको छ ।
बिदेशमा गएर अर्काको देश बनाउनु भन्दा आफ्नै पुर्खादेखिको थातथलोलाई आधुनिक तरिकाले खेती गरेमा यही ठाउमा केही गर्न सकिने उहाँको भनाई छ । आफ्नै ठाउमा काम गरेर आफ्नै गाउ बनाउनुपर्ने रावलले बताउनुभयो ।
अहिले विभिन्न बाहानामा युवाहरुले पनी खेती गर्न छोडेकाले आफुलाई चिन्तीत बनाएको भन्दै युवा ब्यवासायी रावलले मेहनत गरेमा आफ्नै ठाउमा सुन फलाउन सकिने उदाहरण दिनुभयो ।
पुरानै तरिकाबाट भन्दापनि आधुनिक तरिकाले ब्यवसायी रुपम खेती गरेमा मनग्य आम्दानी गर्न सकीने भएकाले सरकारले कृषकको लागी बनाएको नितिहरु प्रभावकारी ढंगले कार्यन्वयन गरेमा आफुहरु जस्ता कृषकको लागि टेवा पुग्ने उहको भनाई छ ।
युवाहरु समाज परिवर्तको संवाहक भएकाले कुलतमा लाग्नु भन्दापनि केहि न केही ब्यवसाय गरेमा समाजका लागी टेवा पुग्ने रावलको भनाई छ । कृषिमा राम्रो भबिष्य रहेकाले कृषि पेशालाई घृणा होईन गर्व गर्नुपर्ने अगुवा कृषक रावलले बताउनुभएको छ ।
यता मंगलसेन नगरपालिकाका नगर प्रमुख पदम बहादुर बोहराले आफ्नो पालिकाले यसरी ब्यवासयीक रुपमा कृषि गरिरहेका युवाहरुका लागी बिशेष कार्यक्रम संञ्चालन गरेको बताउनु भएको छ । युवाहरु आफ्नो कार्ययोजना सहित नगरपालिका कार्यालयमा आएमा सहयोग गरिने बताउनुभयोे ।
