चन्द्र प्रसाद भाट,फागुन ७,अछाम : भूमि सम्बन्धी समस्या समाधान आयोग अछामको कार्यालय स्थापना गरीएको छ । आज फागुन ७ गते राष्ट्रिय प्रजातन्त्र दिवशको अवशर पारी कार्यालयको स्थापना गरीएको समितिले जनाएको छ ।
जिल्लामा लामो समयदेखि रहेका भूमि सम्बन्धी समस्याहरु लाई समाधान गर्नका लागी नेपाल सरकारले देशभर नै जिल्ला समिति गठन गरेको थियो ।
सदरमुकाम मंगलसेनमा स्थापना भएको कार्यालयले जिल्लाका वास्तबिक भूमिहिनहरुका समस्याह्रु लाई समाधान गर्ने सरोकारवालाहरुले बिश्वास लिएका छन ।
भूमि सम्बन्धी समस्या समाधान आयोग अछामका अध्यक्ष कटक बहादुर साउँदको अध्यक्षतामा भएको कार्यालय स्थापना कार्यक्रममा जिल्ला समन्वय समितिका प्रमुख नर बहादुर कुँवर प्रमुख अतिथि रहनुभएको थियो ।
कार्यक्रममा बोल्दै कुँवरले आयोगले जिल्लामा काम गर्नका लागी कर्मचारीको समस्या खेप्नुपर्ने हुँदा कर्मचारी ब्यवस्थापनका लागी समितिले अहिले देखि नै पहल गर्नुपर्ने बताउनुभयो ।
जिल्लाका अहिले पनि धेरै यूवा यूवतिहरु बेरोजगार रहेको भन्दै उहाँले सिमित समयका लागी भएपनि उनिहरुलाई काममा लगाउनका लागी समितिले केन्द्र संग माग गर्नुपर्ने समेत उहाँले बताउनुभयो ।
कार्यक्रममा बोल्दै मंगलसेन नगरपालिकाका प्रमुख पदम बहादुर बोहराले हामीमा तत्काल नै फाईदा लिने प्रबृतिले समस्या भैरहेको बताउनुभएको छ । जिल्लामा भूमि सम्बन्धीका समस्या थुप्रै रहेकाले यसको समाधानका लागी सबैको साथ आवश्यक रहेको बताउनुभयो ।
यस्ता समस्या समाधानका लागी सबैसंग समन्वय गर्दै अघि बढ्न सके यस्ता समस्याहरुको समाधान क्रमिक रुपले हुँदै जाने समेत उनको भनाई छ ।
यस्तै अछामका प्रमुख जिल्ला अधिकारी गोकर्ण प्रसाद उपाध्यायले जनताका समस्याहरु लाइ निराकरण गर्नका लागी सबैले गम्भिर रुपमा सोच्नुपर्नेमा जोड दिनुभएको छ ।
सबै सरोकारवालाहरु संग सहकार्य गर्दै अघि बढ्न सक्यो भने जनताले राहात पाउने समेत उनको भनाई छ । समितिलाई सक्रिय बनाउनका लागी जनशक्तिको अभाब रहेकाले यसको सहजीकरणका लागी पनि आफुले पहल गर्ने समेत उपाध्यायले प्रतिबद्धता जनाउनुभयो ।
यस्तै कार्यक्रमका बोल्दै आयोगका जिल्ला अध्यक्ष कटक बहादुर साउँदले सरकारले सुम्पिएको जिम्मेवारी कुशलता पूर्बक ढंगले निर्बाह गर्ने प्रतिबद्धता जनाउनुभयो ।
आफु जिल्ला अध्यक्ष भैसकेपछि जनताका लागी कुनै पुर्बाग्राहि नराखि नागरीकहरुलाई समान रुपले सेवा प्रदान गर्ने समेत उहाँले बताउनुभयो ।
आफ्नो कार्यकाल सम्म जिल्लाका भूमिहिन जनता लाई सेवा उपलब्ध गराउनका लागी सबै संग सहकार्य गर्दै अघि बढ्ने उनको भनाई छ ।
कार्यक्रममा आफ्ना कुराहरु राख्दै नापी कार्यालय अछामका कार्यालय प्रमुख धर्मराज ओझाले समितिलाई आवश्यक सहयोग नापी कार्यालयले सधैँ गर्ने बताए ।
नापी कार्यालय बाट चाईने आवश्यक सहयोग गर्न कार्यालय तयार रहेको बताउँदै उहाँले जनताका समस्या समाधान गर्नतर्फ समिति अग्रसर हुनुपर्ने भनाइ राख्नुभयो ।
